ഇന്ത്യയിലെ യുവതലമുറയെ ശാക്തീകരിക്കുന്നതിനായി കോർപ്പറേറ്റ് കാര്യ മന്ത്രാലയം രൂപകൽപ്പന ചെയ്ത പ്രധാനമന്ത്രി ഇന്റേൺഷിപ്പ് പദ്ധതി (PM Internship Scheme) അപേക്ഷിക്കാനുള്ള അവസരം ഇനി രണ്ട് ദിവസം മാത്രം ബാക്കിയുണ്ട്. മാർച്ച് 12 ആണ് അവസാന തീയതി. താൽപര്യമുള്ളവർ pminternship.mca.gov.in എന്ന ഔദ്യോഗിക വെബ്സൈറ്റ് സന്ദർശിച്ച് ഉടൻ അപേക്ഷിക്കേണ്ടതാണ്.
പദ്ധതി ലക്ഷ്യം
രാജ്യത്തിന്റെ പുരോഗതിക്കായി അർത്ഥവത്തായ സംഭാവന നൽകാൻ ആഗ്രഹിക്കുന്ന യുവാക്കളെ ശാക്തീകരിക്കുക എന്നതാണ് പ്രധാനമന്ത്രി ഇന്റേൺഷിപ്പ് പദ്ധതിയുടെ പ്രാഥമിക ഉദ്ദേശ്യം. 5000 രൂപ പ്രതിമാസ സ്റ്റൈപ്പൻഡ് ലഭിക്കുമെന്ന് മാത്രമല്ല, 6000 രൂപയുടെ ഏകതവണ ധനസഹായവും അനുവദിക്കും.
പദ്ധതിയുടെ പ്രധാന ആകർഷണങ്ങൾ
- 500 മികച്ച കമ്പനികളിൽ 12 മാസത്തെ ഇന്റേൺഷിപ്പ് അവസരങ്ങൾ.
- 1 കോടി യുവാക്കളെ ഇന്റേൺഷിപ്പിലൂടെ പ്രാപ്തരാക്കുക.
- വിലപ്പെട്ട പ്രവൃത്തി പരിചയം നേടാൻ അവസരം.
- അക്കാദമിക പഠനത്തിന് പിന്തുണ നൽകുന്നു.
യോഗ്യതാ മാനദണ്ഡങ്ങൾ
പിഎം ഇന്റേൺഷിപ്പിന് 21-24 പ്രായപരിധിയിലുള്ള താഴ്ന്ന വരുമാനമുള്ള കുടുംബങ്ങളിലെ യുവാക്കളാണ് പ്രധാന ലക്ഷ്യം. അപേക്ഷിക്കാൻ പാകത്തിലുള്ളവരുടെ യോഗ്യത:
- എസ്‌എസ്‌എൽസി, പ്ലസ് ടു, പോളിടെക്നിക് അല്ലെങ്കിൽ ഡിപ്ലോമ പാസായവർ.
- ഐടിഐ സർട്ടിഫിക്കറ്റ് ഉടമകൾ.
- എഐസിടിഇ അംഗീകൃത ഡിപ്ലോമ സർട്ടിഫിക്കറ്റ് ഉള്ളവർ.
- അംഗീകൃത സർവകലാശാലയിൽ നിന്ന് ബിരുദം നേടിയവർ.
- ഒബിസി, എസ്.സി, എസ്.ടി വിഭാഗക്കാർക്ക് പ്രായപരിധിയിൽ ഇളവുകൾ ലഭിക്കും.
അപേക്ഷിക്കേണ്ട വിധം
- pminternship.mca.gov.in എന്ന ഔദ്യോഗിക വെബ്സൈറ്റ് സന്ദർശിക്കുക.
- ഹോം പേജിൽ “Register” എന്ന ലിങ്ക് ക്ലിക്ക് ചെയ്യുക.
- പുതിയ പേജിലേക്ക് redirect ചെയ്യപ്പെടും.
- അടിസ്ഥാന വിവരങ്ങൾ ചേർത്ത് “Submit” ബട്ടൺ ക്ലിക്ക് ചെയ്യുക.
- ഉദ്യോഗാർത്ഥിയുടെ ബയോഡേറ്റ പോർട്ടലിൽ സൃഷ്ടിക്കപ്പെടും.
- സ്ഥലം, മേഖല, പ്രവർത്തനരീതി, യോഗ്യത എന്നിവയുടെ അടിസ്ഥാനത്തിൽ 5 ഇന്റേൺഷിപ്പ് അവസരങ്ങൾ ലഭിക്കും.
- അപേക്ഷാ ഫോം സേവ് ചെയ്യുക.
രാജ്യത്തെ യുവാക്കൾക്ക് മികച്ച തൊഴിൽപരിചയം നൽകുന്ന ഈ അവസരം നഷ്ടപ്പെടുത്താതെ ഉടൻ അപേക്ഷിക്കുക!
