ഇടുക്കിയിലെ വാഴത്തോപ്പ് ഗിരിജ്യോതി പബ്ലിക് സ്കൂളിൽ സ്കൂൾ ബസ് കയറി നാല് വയസുകാരി ദാരുണമായി മരിച്ചു. തടിയമ്പാട് സ്വദേശിനി ഹെയ്സൽ ബെൽ ആണ് മരിച്ചത്. ഇന്ന് രാവിലെ ഏകദേശം 9 മണിയോടെയാണ് അപകടം ഉണ്ടായത്.
സ്കൂൾ ബസിൽ എത്തിച്ചിറക്കിയ ഹെയ്സൽ പതിവുപോലെ കൂട്ടുകാരോടൊപ്പം ക്ലാസിലേക്കു നടക്കുന്നതിനിടെ, പിന്നോട്ട് എടുത്ത മറ്റൊരു സ്കൂൾ ബസ് കുട്ടിയിലേക്ക് ഇടിച്ചുകയറി. ബസ് കുട്ടിയുടെ ദേഹത്തൂടെ കയറിയതായാണ് പ്രാഥമിക വിവരം.
അപകടം ഉണ്ടായതോടെ ഡ്രൈവർക്കൾയും സ്കൂൾ ഉദ്യോഗസ്ഥരും ചേർന്ന് കുട്ടിയെ ഇടുക്കി മെഡിക്കൽ കോളേജിലേക്ക് മാറ്റിയെങ്കിലും ജീവൻ രക്ഷിക്കാനായില്ല. കൂടെ ഉണ്ടായിരുന്ന മറ്റൊരു വിദ്യാർത്ഥിക്കും പരിക്കേറ്റതായി റിപ്പോർട്ടുണ്ട്.
